काठमाडौं । नेपाल टेलिकमले आर्थिक बर्ष २०७९/०८० मा ७ अर्ब ८० करोड रुपैयाँ खुद नाफा आर्जन गरेको छ ।
आर्थिक बर्ष २०७८/०७९ को तुलनामा यस्तो नाफा ७.८६ प्रतिशतले घटेको हो । आर्थिक बर्ष २०७८/०७९ मा टेलिकमले ८ अर्ब ४७ करोड रुपैयाँ खुद नाफा आर्जन गरेको थियो ।
अघिल्लो आवमा कम्पनीको बिक्रि आम्दानी ३७ अर्ब ९१ करोड रुपैयाँ रहेकोमा यस समिक्षा अवधिमा यस्तो आम्दानी घटेर ३६ अर्ब ८० करोड रुपैयाँमा सिमित हुन पुग्यो ।
त्यस्तै,कम्पनीको अन्य आम्दानीमा पनि गिरावट आएको छ । यस अवधिमा कम्पनीको २९ करोड ९२ लाख रुपैयाँ अन्य आम्दानी रहेको छ । अघिल्लो आवमा यस्तो आम्दानी ५४ करोड ७४ लाख रुपैयाँ रहेको थियो ।
समिक्षा अवधिमा कम्पनीको इबीआईटीडीए २० अर्ब ११ करोड रुपैयाँ रहेको छ । अघिल्लो आव कम्पनीको इबीआईटीडीए २० अर्ब ८२ करोड रुपैयाँ रहेको थियो ।
यस अवधिमा कम्पनीको जगेडाकोषको आकारमा पनि कमी आएको छ । अघिल्लो आबमा टेलिकमको जगेडाकोषमा ७७ अर्ब २६ करोड रुपैयाँ रहेकोमा यस अवधिमा यस्तो कोष ७५ अर्ब ८२ करोड रुपैयाँमा सिमित हुन पुग्यो ।
१८ अर्ब रुपैयाँ चुक्ता पूँजी रहेको कम्पनीको प्रतिसेयर आम्दानी ४३.२६ रुपैयाँ,मूल्य आम्दनी अनुपात २०.९२ गुणा र प्रतिशेयर नेटवर्थ ५२१.२७ रुपैयाँ रहेको छ ।
