काठमाडौ । नेपाल आयल निगमले पेट्रोल,डिजल र मट्टितेलको मूल्य घटाएको छ ।
आज राति १२ बजे देखि लागु हुने गरि पेट्रोलियमको पदार्थको मूल्य घटाएको छ । निगमले पेट्रोलमा प्रतिलिटर ११ रुपैयाँ र डिजेल/ मट्टितेल प्रतिलिटर ५ रुपैयाँका दरले मूल्य घटाएको छ ।
निगमले मूल्य घटाएसँगै अब पेट्रोलको मूल्य पहिलो वर्गमा प्रतिलिटर १६९.५० रुपैयाँ,दोस्रो वर्गमा प्रतिलिटर १७१ रुपैयाँ र तेस्रो वर्गमा प्रतिलिटर १७२ रुपैयाँ कायम भएको छ । डिजेल/ मट्टितेलको मूल्य पहिलो वर्गमा प्रतिलिटर १६५.५० रुपैयाँ दोस्रो वर्गमा प्रतिलिटर १६७ रुपैयाँ र तेस्रो वर्गमा प्रतिलिटर १६८ रुपैयाँ कायम भएको छ ।
पहिलो वर्गमा चारआली,विराटनगर,जनकपुर,अमलेखगंज, नेपालगञ्ज,धनगढी र वीरगञ्ज रहेका छन् । त्यस्तै , दाङ र सुर्खेत दोस्रो वर्गमा रहेको छ भने काठमाडौं ,पोखरा र दिपायल तेस्रो वर्गमा रहेको छ ।
