काठमाडौं । हिमालयन बैंक लिमिटेडले आफ्ना ग्राहकवर्गहरुको सहजता र सुबिधालाई मध्य नजर गर्दै बंैकको विभिन्न शाखाहरुमा क्यास रिसाइरल मेसिन(सीआरएम) संचालनमा ल्याएको छ ।
हाल बंैकले सातवटा क्यास रिसाइरल मेसिन(सीआरएम) बंैकको केन्द्रीय कार्यालय कमलादी, ठमेल शाखा, महाराजगंज शाखा, न्यूरोड शाखा, पाटन शाखा, भरतपुर शाखा र भैरहवा शाखामा स्थानान्तरण गरी सेवा प्रदान गर्दैछ भने यसको संख्या बढ्ने क्रम जारी छ ।
यस क्यास रिसाइरल मेसिन(सीआरएम) बाट सेवाग्राहीहरुले कुनै पनि समयमा कुनै झंझट बिना नै खातामा रकम जम्मा तथा झिक्न सक्ने छन् ।
सो मेसिनबाट रकम जम्मा गर्दा बिना एटीम कार्ड नै सिधा खाता नम्बर प्रविष्ट गरी जम्मा गर्न सकिन्छ । मेसिनबाट जम्मा गरिएको सो रकम तत्कालै खातामा जम्मा हुनेछ जसले गर्दा खातावालाले तुरुन्तै कारोबार गर्न सक्नेछन् । हिमालयन बैंकको यस सुबिधाले बैंकका ग्राहकहरुलाई बैंकिङ्ग कारोबारको समय अघि-पछि पनि थप सुबिधा मिल्ने बैंकको विश्वास छ ।
हाल बैंकले नेपाल भरि फैलिएको कूल ७४ शाखा, ६ विस्तारित काउन्टर, १६० एटीम र हजार भन्दा बढी पोड टर्मिनल बाट सेवा प्रदान गर्दै आएको छ ।
