काठमाडौं । माण्डु हाइड्रोपावर लिमिडेट र हाथवे इन्भेष्टमेन्ट नेपाल लिमिडेटको सेयर नेपाल स्टक एक्चेञ्ज (नेप्से)मा सूचीकृत भएको छ ।
मंगलबार माण्डु हाइड्रोपावर १ करोड ३६ लाख ३६ हजार ३७० कित्ता र हाथवे इन्भेष्टमेन्ट नेपालको २ करोड ३४ लाख कित्ता सेयर नेप्सेमा सूचीकरण भएको हो ।
सूचीकरण भएसँगै यी कम्पनीहरुको सेयर बुधबारबाट धितोपत्र दोस्रो बजारमा कारोबार आउने छन् ।
माण्डु हाइड्रोपावरले सर्वसाधारण (वैदेशिक रोजगार रहेको नेपाली, स्थानीय बासिन्दा, कर्मचारी र सामुहिक लगानी कोष)का लागि वितरण गरिएको १६ लाख ३६ हजार ३७० कित्ता र संस्थापकहरूले लगानी गरेको १ करोड २० लाख कित्ता गरी १ करोड ३६ लाख ३६ हजार ३७० कित्ता सेयर नेप्सेमा सूचीकृत भएको हो ।
त्यस्तै, हाथवे इन्भेष्टमेन्टको सर्वसाधारण (वैदेशिक रोजगार रहेको नेपाली, कर्मचारी र सामुहिक लगानी कोष)का लागि वितरण गरिएको २९ लाख २५ हजार कित्ता र संस्थापकहरूले लगानी गरेको २ करोड ४ लाख कित्ता ७५ हजार गरी कित्ता सेयर २ करोड ३४ लाख कित्ता सेयर नेप्सेमा सूचीकृत भएको हो । ने
नेप्सेले माण्डु हाइड्रोपावरको पहिलो सेयर कारोबारको लागि न्युनतम १२४.४२ रुपैयाँ देखि अधिकतम ३७३.२६ रुपैयाँ ओपनिङ्ग रेन्ज रहेको छ भने हाथवेको न्युनतम ९५.०९ रुपैयाँ देखि अधिकतम २८५.२७ ओपनिङ्ग रेन्ज तोकिएको छ ।
नेप्सेले माण्डु हाइड्रोपावरको ‘माण्डु’ कारोबार संकेत प्रदान गरेको छ भने हाथवे इन्भेष्टमेन्टको ‘हाथी’ कारोबार संकेत प्रदान गरेको छ ।
