काठमाडौ, २३ पुस । प्रि-ओपन सेसनमा सोमबार नेप्से सूचक करिब ३ अंकले वृद्धि भएको छ ।
नेप्से सुचक २.९७ अंकले बढेर २०२५.८९ विन्दुमा आएको छ ।
यो सेसनमा २० कम्पनीको भाउ बढ्दा १० वटाको मूल्य घटेको छ भने २ कम्पनीको भाउमा कुनैपनि परिवर्तन आएको छैन ।
यो सेसनमा ३३ कम्पनीको १२ हजार १ सय २१ कित्ता सेयर कारोबार हुदाँ ७१ लाख रुपैयाँभन्दा बढीको सेयर कारोबार भएको छ । सोमबार यो सेसनमा कुल २२४ वटा कारोबार भएको हो ।
त्यस्तै आजबाट कारोबारमा आएको हिमालयन रि इन्स्योरेन्सको मूल्य १० प्रतिशतले बढेको छ ।
एचआरएल संकेतबाट करोबार खुल्ला भएको हिमालयन रि इन्स्योरेन्सको प्रतिकित्ता ३०९.२० रुपैयाँ पहिलो कारोबार भएकोमा कम्पनीको मूल्य १० प्रतिशत बढेर मूल्य प्रतिकित्ता ३४०.१० रुपैयाँ पुगेको छ ।
