काठमाडौं । ज्योतिलाईफ इन्स्योरेन्स आईपीओमा १८ लाख भन्दा बढीको आवेदन परेको छ ।
कम्पनीको आईपिओको आवेदन दिने आज दिनको साँझ सम्ममा १८ लाख ४ हजार ६ सय ४८ जना आवेदकबाट ३ करोड ८० लाख ५७ हजार ६ सय १० कित्ताको लागि आवेदन परेको छ ।
यसअघि महिला लघुवित्तको आईपीओमा करिब १५ लाख ४० हजार आवेदकको आवेदन परेको थियो ।
आज राति १२ बजेसम्म सीआश्वा सदस्यहरुले आवेदन इन्ट्री गर्न सक्ने र आवेदन भेरीफाई हुने क्रम मै रहेकोले आवेदकको संख्या तल माथि हुन सक्ने छ ।
यहि फागुन २३ गते साधारण सेयर निष्कासन मिति तोकिए पनि सो दिन जारी गर्दा मेरो सेयरमा पर्ने चापले नियमित सेयर कारोबारको सेटलमेन्टमा प्रभाव पर्ने भएकाले मिति परिर्वतन गरि आईपीओ फागुन २१ गते निष्कासन गरिएको थियाे ।
कम्पनीले प्रतिकित्ता १०० अंकित मूल्यमा ६६ करोड रुपैयाँ बराबरको ६६ लाख कित्ता साधारण सेयर (आईपीओ) निष्कासन गरेकाे हो ।
ज्योतिलाईफले ३ लाख ३३ हजार कित्ता सेयर सामुहिक लगानी कोष, ३ लाख ३३ हजार कित्ता सेयर कर्मचारीका लागि र बाँकी रहेको ५९ लाख ४० हजार कित्ता सेयरका लागि सवसाधारणले आवेदन दिन सकिनेछ ।
कम्पनीले जारी पुँजी २ अर्ब २० करोड रुपैयाँँको ३० प्रतिशत हुन आउने प्रतिकित्ता रु १०० अंकित मुल्यमा ६६ करोड बारबरको आईपीओ जारी गरेकाे छ ।
ज्योतिलाईफको हाल १ अर्ब ५४ करोड रुपैयाँचुक्ता पुँजी रहेको छ भने साधारण सेयर निष्कासन पछि कम्पनीको चुक्ता पुँजी २ अर्ब २० करोड पुग्नेछ ।
सर्वसाधारणले कममा १० कित्ता र बढीमा ६६ हजार कित्ता सेयरमा आवेदन सकिनेछन ।आइपिओका आवेदन दिएकामध्ये ५ लाख ९४ हजार जनाले मात्रै १० कित्ताका दरले पाउने छन् भने यो हिसावले १२ लाख जनाकाे हात खाली हुनेछ । आवेदन प्रक्रिया नपुगेका आवेदन पहिले नै अस्वीकृत हुनेछन्।
